E edicion di Focus Digital Magazine di februari ta resalta e tema di amor en conexion cu e celebracion di Valentine’s Day dia 14 di februari. Riba portada ta ilustra Priscilla Laclé, cu e biaha aki ta contando di su compromiso cu Manoah Salampessy dia 31 di december na Hotel De L’Europe. Nan a conoce otro na 2016 tempo cu nan tabata colega trahando cu diferente marca na Europa como un duo creativo.
Un otro bunita pareha cu ta comparti nan relacion romantico ta Irving Shawn Croes y Karen Torres, cu ta sperando cu emocion pa nan capitulo nobo hunto. E tempo cu nan a conoce otro ambos tabata sa exactamente kico nan ta desea den un pareha. E aña aki nan lo celebra nan enlace matrimonial riba un fecha hopi importante pa nan pa diferente motibo y e ta un fecha unico.
Gwendolyn & Rudolf tin un bunita comienso pa e resto di nan bida cu celebration di nan boda dia 8 di december 2023. Desde e prome baile na un fiesta na october 2016, e amistad y cariño entre Gwenny y Rudy a sigui crece. Na 2020 nan amor a keda bendiciona cu un yiu homber, e laso cu segun e pareha ta nan haci nan relacion uno fuerte.
Lesa e bunita storianan aki di Priscilla Laclé y Manoah Salampessy, Karen Torres y Irving Shawn Croes, Gwendolyn ‘Gwenny’ Maduro y Rudolf ‘Rudy’ Kelly den Focus Digital Magazine di februari ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL)
Download bo revista awo!
