Den e edicion anterior di Focus Digital Magazine e psicologo Sonensein di Mindful Love Aruba a enfoca riba red flag den relacion y con importante e ta pa realisa cu cierto biaha ta nos mes ta e red flag. Ora conoce un pareha dependiendo di nos edad, estilo di bida, educacion y ehempel di cas, nos tin un set di rekisito cu nos ta busca den un pareha. Normalmente nos kier un hende nechi, cu ta trata nos bon, cu a studia y ta traha. E aspectonan aki ta importante si nos kier djis date un hende pa un corto tempo.
![](https://focus.aw/wp-content/uploads/2024/01/Screenshot_20231129_064515_Samsung-Internet-1024x858.jpg)
Pero unabes cu nos ta desea di haya un pareha pa construi un bida y lanta yiu hunto, ta di sumo importancia pa tene cuenta cu balornan y principio di e persona pero tambe di nos mes. Nos ta puntra nos mes con nos ta desea di wordo stima? Nos ta puntra nos mes con nos vision ta y si esaki ta compatibel cu e otro persona? Esaki ta e persona cu mi lo ta desea como tata of mama di mi yiunan?
![](https://focus.aw/wp-content/uploads/2024/01/pexels-jonathan-borba-4922792-1024x683.jpg)
Tin varios pregunta importante cu hopi biaha nos no ta haci nos mes of nos no ta papia cu e otro persona, prome cu nos dicidi di drenta un relacion duradero cu posibel yiu den futuro. Pakico nos no ta papia di e cosnan aki? … Den Focus Digital Magazine di januari, Sabrina Sonensein ta elabora riba 10 Topico importante pa papia prome cu casa. E revista ta accesibel via Apple iStore, Android Google Play Store y www.focus.aw (Menu Tab FOCUS DIGITAL)