![](https://focus.aw/wp-content/uploads/2024/02/Diamonds-International6.jpg)
Diasabra 20 di januari, Diamonds International a celebra e apertura oficial di su tienda na Paseo Herencia na un manera magnifico, hunto cu su invitadonan special. E tabata un anochi encantador, unda tur e invitadonan por a admira e extraordinario coleccion di joya y holoshi. Tin hopi cu a haya beneficio di e ofertanan special pa e ocasion aki.
![](https://focus.aw/wp-content/uploads/2024/02/Diamonds-International5.jpg)
Pa e parti oficial tabatin tres sker pa marca e apertura di e di tres tienda na Aruba. E Vice-Prome Minister Arends hunto cu Minister Maduro a corta e cinta hunto cu e manager regional Mr. Hakimi y manager di e isla Mr. Chabbria. Pa Diamonds International, e apertura di nan tienda nobo na Palm Beach ta di gran importancia, mirando e cantidad impresionante di turista cu ta bishita e area durante oranan di anochi pa aprecia tur loke Aruba tin pa ofrece.
![](https://focus.aw/wp-content/uploads/2024/02/Diamonds-International10.jpg)
E seguidonan di Focus Digital Magazine y su plataforma ta keda cordialmente invita pa bishita e tienda aki, particularmente pasobra e ta habri te cu 9:30 di anochi. Den e luna aki, unda nos ta celebra amor y amistad, Diamonds International ta presenta un oferta special riba nan coleccion di diamanta di Crown of Lights, y tambe nan ta presenta un promocion magnifico riba nan coleccion di tanzanite Safi Kilima. Pa esunnan cu ta aprecia holoshi, tin un variedad di marca manera pre-owned Rolex, Bremont, y e marca Accutron – un holoshi cu un mecanismo cu ta electrostatico.
![](https://focus.aw/wp-content/uploads/2024/02/422375926_910199134244008_3702759761911176021_n.jpeg)
Diamonds International ta un compania internacional cu mas di 125 tienda den Caribe, America Central, Merca y riba diferente barco crucero. Na Aruba e tin su tienda principal cu ta riba LG Smith Boulevard na Oranjestad y un otro tienda na Divi-All Inclusive.
![](https://focus.aw/wp-content/uploads/2024/02/Diamonds-International2.jpg)
![](https://focus.aw/wp-content/uploads/2024/02/Diamonds-International3.jpg)
![](https://focus.aw/wp-content/uploads/2024/02/Diamonds-International4.jpg)
![](https://focus.aw/wp-content/uploads/2024/02/Diamonds-International8.jpg)
![](https://focus.aw/wp-content/uploads/2024/02/Diamonds-International9.jpg)
![](https://focus.aw/wp-content/uploads/2024/02/422319597_910198994244022_8824480335405400326_n-575x1024.jpeg)
![](https://focus.aw/wp-content/uploads/2024/02/422345863_910198990910689_4461301535807968963_n-575x1024.jpeg)
![](https://focus.aw/wp-content/uploads/2024/02/422345325_910200617577193_6389553248206058357_n.jpeg)
![](https://focus.aw/wp-content/uploads/2024/02/422361092_910199410910647_945304032406136759_n.jpeg)
![](https://focus.aw/wp-content/uploads/2024/02/422372489_910200620910526_3955862912928462808_n.jpeg)
![](https://focus.aw/wp-content/uploads/2024/02/422387414_910199487577306_7309682986362117016_n.jpeg)