Diabierna dia 2 di februari 2024, e miembronan di ekipo di Embassy Suites Aruba a celebra di un forma grandioso nan prome aniversario. E hotel a ricibi su prome huesped riba dia 3 di februari 2023, y un dia prome a celebra e momento special aki cu un Team Member Rally.
Team Member Rally dia 2 di februari 2023
![](https://focus.aw/wp-content/uploads/2024/02/PROME-ANIVERSARIOIMG_4171-768x1024.jpg)
Angelique Croes
![](https://focus.aw/wp-content/uploads/2024/02/PROME-ANIVERSARIOIMG_4311-953x1024.jpg)
![](https://focus.aw/wp-content/uploads/2024/02/PROME-ANIVERSARIOIMG_4327-768x1024.jpg)
![](https://focus.aw/wp-content/uploads/2024/02/PROME-ANIVERSARIOIMG_4209-768x1024.jpg)
Miembronan di Ekipo
![](https://focus.aw/wp-content/uploads/2024/02/PROME-ANIVERSARIOIMG_4275-872x1024.jpg)
Rosalyn Flanegin, Rafael Pacheco y Mary-Laine Henricus
Durante su prome aña e hotel tabatin varios logro importante, di cual e prome tabata na mei cu oficialmente Embassy Suites by Hilton Aruba a wordo reconoci y certifica pa un periodo di 1 aña como un “Great Place to Work”. Un encuesta a ser haci entre e miembronan di ekipo, unda nan por a yena nan satisfaccion trahando na e hotel. E resultado tabata sumamente positivo cu e comentarionan ricibi demostrando cu e miembronan di ekipo ta hopi contento y satisfecho cu e trato. E logro aki nan a celebra cu e tema di neon, unda e miembronan di ekipo a gosa bailando y disfrutando den un ambiente festivo y colorido. Den e luna di november, e marca Hilton a gana e titulo “Best Place to Work” rond mundo, indicando cu e marca aki ta e luga miho pa traha compara cu e otro marcanan grandi rond mundo.
![](https://focus.aw/wp-content/uploads/2024/02/PROME-ANIVERSARIOaa5019b3-d9f2-498b-ba6f-ec605eb74369-1024x576.jpg)
Miembronan di Ekipo
![](https://focus.aw/wp-content/uploads/2024/02/PROME-ANIVERSARIOIMG_4370-768x1024.jpg)
Frank Henriquez
![](https://focus.aw/wp-content/uploads/2024/02/PROME-ANIVERSARIOIMG_4388-768x1024.jpg)
Ottmar Geerman
![](https://focus.aw/wp-content/uploads/2024/02/PROME-ANIVERSARIOIMG_4580-768x1024.jpg)
Beatriz Quintero
![](https://focus.aw/wp-content/uploads/2024/02/PROME-ANIVERSARIOIMG_4436-768x1024.jpg)
Jarris Escobar
Como parti di e celebracion di e prome aniversario di Embassy Suites Aruba, a skirbi e frase “One Year Anniversary” riba un muraya, unda tur e miembronan di ekipo por a pone nan plant’i man cu verf di diferente color. E idea tabata pa yena e muraya cu mas tanto plant’i man cu ta posibel pa asina celebra y recorda e aniversario den un manera dibertido, unda tur e miembronan di ekipo por tabata parti di e celebracion como un gran famia. Un treat hopi special a ser brinda riba e dia aki cu dushi snacks manera pastechi, lumpia, kroket, sweet box, bolo, cuki personalisa, koffie, te y diferente juice. E miembronan di ekipo tabata emociona y contento celebrando e prome aniversario di Embassy Suites Aruba den un ambiente festivo cu musica y alegria.
![](https://focus.aw/wp-content/uploads/2024/02/PROME-ANIVERSARIOIMG_4462-768x1024.jpg)
Andre Nurse y Aneury Garcia
![](https://focus.aw/wp-content/uploads/2024/02/new-WhatsApp-Image-2024-02-07-at-4.21.41-PM-1024x768.jpg)
Jessica Peterson
![](https://focus.aw/wp-content/uploads/2024/02/PROME-ANIVERSARIOIMG_4302-1024x768.jpg)
Miembronan di Ekipo
![](https://focus.aw/wp-content/uploads/2024/02/PROME-ANIVERSARIOIMG_4639-576x1024.jpg)