E actriz Mericano, Emma Stone, a gana Bafta Awards 2024 como ‘Miho Actriz’ pa su rol den e pelicula Poor Things di Yorgos Lanthimos. Stone a enfrenta un competencia fuerte, superando nombernan manera Sandra Hüller (Anatomy of a Fall), Margot Robbie (Barbie) y Carey Mulligan (Maestro). Ora el a subi escenario pa recoge su premio, Stone a gradici Bafta y su coach di dialecto, Neil Swain, ken a yude pa capta miho su accento Britanico den e pelicula.
Emma Stone a bisa den e direccion di e ekipo, cu e ta impresiona cu nan tur. El a agrega cu realmente e kier djis gradici su mama, e ta e miho persona cu e conoce na henter mundo y ta inspir’e tur dia. Stone a aparece hunto cu Willem Dafoe, Mark Ruffalo y Ramy Youssef den e pelicula Poor Things. Anteriormente el a ser dirigi pa cineasta Griego, Yorgos Lanthimos, den The Favourite cu a ser estrena na 2018.
Den e pelicula Emma Stone tin e personahe di Bella Baxter, un muhe cu ta bolbe na bida despues cu un ciruhano ta reemplasa su cerebro cu esun di su baby prome cu el a nace, loke a permiti’e pa experimenta bida di un manera nobo, ademas di embarca den un biahe di descubrimento sexual. Den un reseña di Poor Things a resalta cu e curason di e pelicula ta Emma Stone interpretando e rol di Bella Baxter, y cu e pelicula aki ta existi ta casi por completo na e hecho cu Yorgos y Stone a haya den cada uno un colaborador genuino.
