Angelique a tuma un reto nobo den su trayectoria di 27 aña den e sector di hospitalidad na momento cu el didici pa join Embassy Suites by Hilton Aruba Resort na 2022 den e capacidad di Director di Recurso Humano. Su prome biaha den e posicion aki y su prome biaha habriendo un propiedad nobo, di e tamaño aki den un mercado laboral hopi dificil. Loke ta pasiona Angelique mas di su trabou ta ora cu e por haci un impacto positivo den un persona su bida. Esey ta yen’e di satifaccion pa por sigui duna e miho di su mes cada dia.
Angelique su prome trabou despues di a finalisa su estudio den Tourism Management tabata Telephone Operator na Radisson Hotel y corto tempo despues Guest Service Agent. Despues di dos aña trahando den Front Office el a join e departmento di Recurso Humano como Administrative Assistant, y eynan ta unda el a descubri su pasion den e area aki. Despues di un periodo cortico el a wordo promovi pa HR Coordinator. Despues di a fungi algun aña den e posicion aki, el a wordo promovi pa Employment and Benefits Manager y despues pa Human Resources Manager.
Angelique a haya na 2015 e oportunidad cu Hilton como Director of Learning & Development y el a traha den e posicion aki te momento cu el a bay forma parti di Embassy Suites Aruba. Den edicion di Focus Digital Magazine di maart Angelique Croes-Muller ta comparti cua ta e desafio di mas grandi como Director di Recurso Humano pa inicia na un hotel nobo.. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL)
Download bo revista awo!
