E psicologo Sabrina Sonensein di Mindful Love Aruba ta enfoca riba e tema di kico ta pasa den bo mente ora bo scucha e palabra – Muhe Independiente? – E termino aki hopi biaha ta wordo asocia cu un imagen di un hende muhe empodera y hopi fuerte. Desafortunadamente, hopi hende ta confundi esaki cu un hende muhe cu ta evita tur tipo di relacion of cu ta pensa cu e no mester e compania di un hende homber den su bida.
Un otro interpretacion cu ta prevalece hopi ta – Un hende muhe financieramente independiente – E berdad ta cu e termino – Muhe Independiente – ta hopi mas extenso y ta bay mas profundo cu esaki. Kico kiermen e ora pa ta un hende muhe independiente? E contesta riba e pregunta aki por haya den edicion di Focus Digital Magazine di maart, unda e psicologo Sabrina Sonensein ta elabora riba e tema aki.
Mindful Love Aruba kier probecha pa felicita tur nos hende muhenan cu dia den dia afo ta brinda cuido y apoyo na nos comunidad y den nan seno familiar. Pero e mas importante, amor propio pa nan mes. Hopi Amor, Salud y Sabiduria ta nos deseo pa tur nos hende muhenan. Boso ta e curason di nos comunidad!
Awe mainta Sabrina a duna un presentacion na Embassy Suites Aruba pa inspira tur e ekipo femenino.
