E soño bunita como creadora di contenido a cuminsa riba dia 7 di februari 2019. Gylian Ramirez ta un ‘soñadora’ y kier a haci un cambio den su bida, cu algo e ta sinti pasion y asina Gylianmakeup a nace. Na inicio di e biahe aki loke e tabata kier ta un espacio, unda por a siña y empodera e hende muhenan a traves di e bunita arte di makiyahe. E idea principal tabata pa tin su canal di YouTube y siña masivamente un arte, pero e plannan di Dios tabata hopi mas grandi. Awendia Gylian Ramirez tin un plataforma cu mas di 4 miyon siguido cu e ta inspira y empodera cada dia cu su arte magnifico.
Gylian Ramirez (36) ta nativo di Venezuela y a yega Merca memey di aña 2017 hunto cu su casa y yiu homber di 5 aña. Un maleta chikito yen soño, miedo y incertidumbre a bin hunto cu ne, pero cu hopi gana di sali dilanti. Den su inicio el a traha varios trabou na diferente luga te cu el a haya e oportunidad pa keda traha fiho na un tienda di acesorio pa telefon, cu a brind’e un orario di trabou di 8:00am pa 5:00pm. Gylian por a combina su trabounan di cas y familiar mientras e por a genera entrada pa yuda steun su famia. Na mesun tempo e tabata sa cu e mester a cambia y haci algo cu lo transforma su bida.
Como algo di destino riba un dia el a conoce algun persona cu a mustre loke nan tabata haci cu makiyahe riba Instagram. Na e momento ey, el a haya sa loke e kier a haci door cu semper el a encanta y ta pasiona cu makiyahe. Gylian Ramirez ta conta den Focus Digital Magazine di april con su trayecto tabata for inicio te cu awendia, cual sin duda tabata un caminda yen di hopi sacrificio y reto. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL)
Download bo revista awo!
