E buskeda pa un tema pa e fiesta di cumpleaño di Joraine Lopez-Maduro a inicia na augustus 2023. El a keda asombra cu e tema di 80s & 90s cu neon color y plata manera den disco ball tin asina variedad di outfit y estilo di bisti. El a sinta cu su ruman pa wak con nan por hinca tur cos den otro. Joraine a cuminsa na traha su carchi di invitacion den estilo di ‘old school’ na man cu cartulina y e figuranan di rollerblades, disco y jacket den roos.
E tema cu Joraine a scoge a keda resalta den cada un detaye pa asina hiba e invitadonan den e temporada di e añanan 80 y 90 den un ambiente fantastico. E ballroom di EPB Oranjestad a keda transforma completamente den e tema di e fiesta y for di e momento cu e invitadonan a yega esaki tabata un experiencia unico. Den e prome ora di fiesta tabatin rock riba big screen cu tabata comosifuera ta den un concierto, mientras e musica di 80s & 90s a keda resona durante henter e anochi cu entretenimento cu Shine Band y DJ Obia.
Joraine ta comparti den Focus Digital Magazine e recuerdonan mas memorabel di su celebracion di 50 cumpleaño y un reportahe fotografico super bunita. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL)
Download bo revista awo!
