Keyla Reeder a gradua na september 2022 como Orthopedagoog di cual e tin 2 aña trahando como basis orthopedagoog den Specialistische GGZ na Hulanda. Su trayectoria academico a cuminsa na Juliana School y tabata un studiante di MAVO cu a scoge pa sigui un MBO opleiding enbes di un HAVO. Semper e tabata interesa den e area di psicologia y psikiatria. Despues di a gradua cu su “Associates Degree” den “Hospitality & Tourism Management” na Colegio EPI, el a sigui su HBO na Universidad di Aruba den “Social Work & Development”.
Mirando cu na Aruba su oportunidadnan academico a yega su limite, el a sigui su Masters na Utrecht Universiteit. Apesar cu Keyla su trayectoria academico ta uno largo y otro, e ta spera di por inspira mas studiante di tanto MAVO como MBO pa sigui studia y traha duro pa nan soño.
Locual e ta haya fascinante di su trabou ta pa siña y descubri kico ta pone cu cierto muchanan ta desaroya otro of haya un desorden mental. Con lo e por yuda nan y nan mayornan bay om cu esaki. Keyla a scoge pa keda traha na Hulanda, pasobra eynan ta brinda mas oportunidad pa crece tanto profesional como personal ademas cu e salario ta mas atractivo.
Un fecha memorabel pa Keyla Reeder ta 26 di april 2024 dia cu el a casa durante un ceremonia intimo na Hulanda. Den su etapa nobo e kier ta mas enfoca riba su bida familiar, spiritual y religion. Den Focus Digital Magazine por lesa mas dicon Keyla no tin ambicion ni plan pa ta un “career woman”. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL)
Download bo revista awo!
