AFAS Software ta un proveedor di software den Caribe cu sede na Hulanda. Na aña 2008 un filial a wordo establece na Curaçao y 20 di mei 2014 a habri AFAS na Aruba. Rothmar Coenraad for di inicio di AFAS Software na Aruba ta un persona clave y tin e funcion di Manager Operations Caribbean. Su satisfaccion mas grandi ta pa mira con nan tur di AFAS por logra e mesun resultadonan… Clientenan contento! Nan meta principal ora di implementa un sistema den un organisacion ta pa mira y sinti e resultado den tur sentido di palabra.
Como sinonimo di innovacion AFAS Software mes como compania ta practica esaki den tur cos cu nan ta haci. Esaki tambe ta locual nan a introduci riba mercado na 2014 ora a establece na Aruba. Banda di innovacion nan ta kere tambe den inspira y esaki den tur sentido di palabra. E filosofia di Rothmar Coenraad ta cu na momento cu un persona ta inspira, e lo ta hopi mas habri pa cambio. E ultimo aki ta parti di mas positivo den e ultimo añanan.
E cambio cu nan a trece den con automatisacion ta wordo practica y experencia den organisacionnan. Un simpel ehempel: Un persona bayendo cu vakantie na 2014 tabata por a boek su ticket, hotel y auto hasta ‘check in’ via su celular. Sinembargo e vakantie mes el a pidi esaki via un papel pasando 3 diferente persona. Esaki ta un di e prome cosnan cu AFAS Software a cambia totalmente na Aruba. Tur hende por pidi nan vakantie na cas via di nan mobiel y actualmente tin mas di 15 mil persona ta uzando esaki.
Entre e implementacionnan mas innovativo den e servicionan di AFAS tin diferente cu a resalta den hopi aspecto, pero esun cu pa Rothmar Coenraad ta keda algo tremendo ta na momento cu nan a cambia un proceso di casi 30 aña den solamente 3 luna di implementacion. Awe e grupo di empleado aki ta traha completamente diferente. Locual ta haci AFAS Sofware apart di e demas den e industria ta cu nan haci tur cos diferente, inspira y principalmente activa nan clientenan. Na AFAS nan mes ta traha e koffie pa e cliente, paso esey ta e prome cos cu nan lo keda corda pa e siguiente bishita.
Bjorn Goedgedrag – Ralph Laclé – Geoffrey Thodé – Rothmar Coenraad – Pim Steinmeijer – Shirenne Quandt
Un desafio cu Rothmar Coenraad, a surpasa liderando un software team ta pa inspira tur persona (na cual nivel cu esaki ta) pa haci e cambio. E ta gusta guia tur locual ta cambio. E ta dushi pa wak ora un hende compronde al final unda nan ta bayendo. Na e momento ey, e lo ta habri pa haci e cambio y lo traha hunto pa yega e meta. E team di AFAS Software Aruba conhuntamente cu Rothmar Coenraad ta Ralph Laclé, Geoffrey Thodé, Shirenne Quandt y Bjorn Goedgedrag.
Den Focus Digital Magazine di juni por lesa ampliamente di AFAS Software Aruba den celebracion di su 10 aniversario na Aruba, cu ademas di clientenan contento nan ta alegra hopi mas curason tambe a traves di AFAS Foundation, cual despues di casi 3 aña a haci mas di 30 proyecto na bienestar di e comunidad di Aruba. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
