Esaki ta un pregunta cu hopi hende ta haci nan mes, y ta asocia psicologo cu debilidad of cu malesa mental. Pa es motibo aki ta hopi importante pa subraya con hopi beneficio tin ora nos ta habri pa ayudo psicologico no solamente pa nos salud mental, pero tambe pa nos salud emocional. Tur ser humano ta pasa door di diferente etapa di bida y un psicologo por yuda nos conoce nos mes miho, maneha nos emocionnan di manera mas saludabel y pa controla nos impulsonan.
![](https://focus.aw/wp-content/uploads/2024/07/high-angle-therapist-patient-chatting-683x1024.jpg)
Den Focus Digital Magazine di e luna aki e psicologo, Sabrina Sonensein, ta elabora riba e cinco beneficionan ora di acudi na un psicologo. Como esun prome ta, cu e ta yuda bo pa sinti miho. Ora nos enfrenta nos problemanan hunto cu un psicologo, e ta manera un ‘catharsis’. Papia di nos problema hopi biaha ta libera nos di emocionnan negativo. Na final bo ta sinti alivia, pasobra bo a libera bo mes di e carga emocional den un luga sigur y di confiansa.
E otro cuater beneficionnan por lesa den e revista pa asina por adapta nos mes lo miho posibel na situacionnan dificil cu ta presenta durante nos bida. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
![](https://focus.aw/wp-content/uploads/2024/07/person-suffering-from-ptsd-psychologist-937x1024.jpg)