Den e ambito di psicologia a wordo genera un modelo nobo cu ta sugeri cu ta existi 7 diferente tipo di descanso necesario pa mantene un bienestar integral. E descanso no ta referi unicamente na e soño nocturno. Mantene un balans saludabel pa nos mente y nos curpa ta bay mas leu cu solamente drumi 8 ora pa anochi. E psicologo, Sabrina Sonensein, ta elabora riba e topico importante aki den Focus Digital Magazine di e luna aki.
E prome ta e DESCANSO FISICO cual ta e parti Activo y Pasivo. E prome ta inclui actividadnan cu ta promove relahacion di bo curpa, manera yoga, deporte, stretching of masashi. E practicanan aki no solamente ta relaha nos musculo, pero tambe nan ta permiti nos di tin miho circulacion, elasticidad y asina ta prepara e organismo pa e desafio diario.
E di dos cual ta esun “pasivo” ta inclui drumi anochi of descansa pa tempo cortico durante dia (napping). E tipo di descanso aki ta esencial pa e reintegracion di e curpa y e salud fisico en general. Falta di soño por conduci na fatiga cronico cu ni koffie por kita. E otro tipo di descansonan ta: descanso mental – descanso sensorial – descanso creativo – descanso emocional – descanso social – descanso spiritual.
Lesa ampliamente di e modelo nobo cu ta sugeri cu ta existi 7 diferente tipo di descanso necesario pa mantene un bienestar integral den Focus Digital Magazine, cu ta accesibel via Apple Store, Google Play Store y www.focus.aw (Menu Tab FOCUS DIGITAL)
Download bo revista awo!
