E prome oficina di Zulo Architects na Aruba a habri su portanan dia 1 di september 2015, enfocando den diseño arkitectonico y interiorismo di residencia di luho, edificio, restaurant y local comercial.
Paula Andrea López Aguilar, arkitecto cu amplio experiencia den proyectonan di gran magnitud na nivel internacional, a visualisa e oportunidad di mehora e diseño y e perfil urbano di e isla, y el a cuminsa busca e oportunidadnan rond di tema aki.
Despues di 10 aña, Zulo Architects tabatin e oportunidad di diseña mas di 280 proyecto di tur tipo. E Arkitecto, Paula, ta kere firmemente cu exito ta proporcional na disciplina y pasion cu bo ta traha… planeamento, organisacion empresarial y financiero a permiti cu Zulo awendia ta mas fuerte, consolidando y cla pa sigui prestando su servicionan internacionalmente, ya cu e ta keda na Aruba, pero tambe desde april 2018 ta conta cu un oficina fisico na Bogota, Colombia. Zulo desde 2022 a amplia su servicionan, no solamente cu diseño arkitectonico, sino tambe diseño interior, specificacion tecnico, specificacion y fabricacion di mobiliario, project management, control y inspeccion tecnico di obranan.
Zulo Architects ta forma parti di asocionnan grandi manera Cámara de Comercio Colombo Holandesa y Asociacion Colombiano de Arquitectos Interioristas. E cercania cu embahada di Colombia na Aruba y embahada di Hulanda na Colombia, a permiti’e aporta cu iniciativanan cu ta impacta social y empresarialmente tanto na Aruba como na Colombia.
Loke mas ta pasiona Paula di su trabao ta creacion, diseño y conecta cu e proyectonan di su clientenan. Zulo no ta haci simplemente e mapanan, nan ta proyecta bunita espacio cu ta permiti ser habita pa famianan increibel, persona y empresanan. Arkitecto Paula ta encanta e proceso creativo y ta pasa oranan largo den e tayer di diseño; imagina proyectonan nobo y mira nan materialisa ta un gran satisfaccion. Aruba tabata un gran fuente di inspiracion pa e proyectonan realisa durante e dies añanan di existencia di Zulo Architects riba e isla.
Pa menciona algun, Paula, como arkitecto, ta destaca hopi proyecto di cas di luho pa clientenan priva y bunita remodelacionnan manera Setar Sero Blanco, Setar Palm Beach, Eforea Spa by Hilton, On the Rocks, Caya, entre otro. E proyectonan ta inspir’e profundamente, desde su propio concepcion y creacion di arkitectura interior, proyectonan cu ta invita e usuario pa disfruta, ta inspira cu nan colornan natural y diseño contemporaneo pa prevalece den tempo.
