E hendenan ta bisa cu e temporada di bling, briyo y di mas glamuroso a pasa. Pero esey no ta completamente berdad, pasobra satin ta un exito ainda y lo sigui den 2026. Satin ta un tela luhoso cu un briyo suave, cu ta transmiti elegancia y refinamento. Den moda, satin hopi biaha ta wordo uza pa blusa, shimis y saya, pasobra e ta cay suave y ta crea un look chic. E material ta popular pa tanto paña di anochi como di tur dia cu estilo. Pues no pone bo satin ainda un banda.
E keds aki tabata t’ey caba durante e lunanan di zomer, pero pa motibo di e calor nan no a wordo realmente bisti. Actualmente nan ta saliendo tur afo. Danki na nan diseño versatil, wedge sneakers ta pas cu hopi outfit. Combina nan cu jeans y un blusa oversized of simplemente bisti nan cu shimis of saya pa un look mas femenino.
Denim cu e piedranan di luho ta keda un exito, cu a duna hopi briyo durante e temporada festivo. Pero nos no ta bisando ayo ainda. Denim cu stenchi ta duna e jeans clasico un twist remarcabel y na moda. E tela aki combina cu detayenan briyante ta crea un look dibertido y alabes glamuroso. E tendencia aki ta haci denim adecuado pa tanto outfits casual como festivo.
Sigui e trends den e mundo di moda cu e fashionista, Swesdy Beeldsnijder, den Focus Digital Magazine su highlight: InStyle! E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
