Sanacion di energia cu e mama y e ‘linaje’ femenino ta un acto sagrado cu ta lanta recuerdonan profundo y ta libra trayectonan interno. No ta trata solamente di e relacion cu e mama biologico, pero di e vibracion ‘ancestral’ cu ta habita den nos: historianan, emocionnan, donnan y heridanan transmiti pa tur e muhenan cu a bini prome. Cada un a laga un impresion energico cu ta influi con nos ta stima, con nos ta cuida nos mes, con nos ta crea y con nos ta relaciona cu e mundo.
Ora e energia hereda ey ta carga cu silencio, dolor no expresa of patronchinan ripiti, e ta manifesta como blokeo, insiguridadnan y dificultad pa ricibi of pone limitenan. P’esey, wak e ‘liñaje’ femenino conscientemente ta un acto di liberacion. E ta honrando loke tabata, dunando danki pa loke a permiti nos yega aki y scoge di curason loke nos kier sigui pasa.
Sanacion no ta nifica hustifica ni idealisa. E ta nifica ilumina loke tabata scondi, brasa loke a haci dolor y permiti energia flui atrobe. E ta un gesto di amor pa nos mes y esunnan cu lo bini despues di nos. Ta recorda cu nos ta parti di un cadena di hende muhe cu a sobrevivi, crea, resisti y stima na nan mes manera.
E terapista holistico, Carol Correa, cu su trayecto ta inspira pa bienestar holistico y sostene procesonan di transformacon ta elabora riba e topico aki den edicion di Focus Digital Magazine di mei. E ta splica cua ta e cuater ehercicionan pa cuminsa cu e proceso di sanacion. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
“Aluna…. Vibra alto, vive pleno”. 📞 6412112
