Semper Daniela Ramos a sinti manera e mester a scoge entre su banda spiritual of kier ta un muhe di poder. Na luga di esaki el a bira un “sex and the city hippie” cu ta brasa ambos completamente tanto practico como spiritual. E ta semper cla pa yuda un persona si e mester di e splicacion racional of e conexion spiritual pa manifesta y biba un bida cu proposito. Segun Dani Kura cu como hende nos mester siña trece harmonia entre ambos parti ta p’esey su trayectoria, programa- y cursonan ta diseña pa siña con pa manifesta for di curason y no for di cabes.
Daniela a nace den selva na Colombia caminda loke mayoria hende ta yama paranormal tabata djis… normal. Su tata tabata un curandero cu tabata papia cu spiritonan, pues esey a bira su base. Awendia e ta bisa cu e tabatin e don aki for di cuminsamento. Cu ocho aña, el a soña cu su mama lo a muri y esaki a pasa tambe. Soñonan predictivo a persigui Daniela durante su infancia.
Sinembargo na universidad, el a haci loke hopi hende muhe educa ta haci — el a dera esaki. El a obtene un Master of Science y a construi un version racional di su mes, pretendiendo manera cu e otro parti ey no tabata real. Regresando na dje a tuma mas trabou interno cu cualkier cos cu el a yega di haci. Pa Daniela afirma: “Mi ta un spisiko” cu un master’s degree mester tin curashi. Awor e sa cu e no ta iracional. E ta biologia y spiritualidad. Un don cu el a nace cu ne — y a scoge pa desaroya.
E momento cu Dani Kura a realisa cu su donnan psikico por bira e fundeshi di un marca di 7 cifra ta ora e tabatin cinco aña den su negoshi. E tabata sa cu e tabatin mester di algo nobo — djis e no tabata sa kico. Pues el a bay un conferencia na Las Vegas caminda Tony Robbins tabata papia y el a cana drenta bashi: sin titulo, sin identidad, sin agenda. Cada bes cu un hende puntra’e kico e ta haci, e tabata contesta cu e no sa. Tur hende a purba di coach Daniela y esey a pon’e casi bira loco.
Pues el a cambia su contesta: “Mi por bisa bo kico ta blokea bo di bo siguiente nivel financiero den menos cu dies seconde”. Dani Kura no a spera kico lo a pasa siguientemente. E hendenan a bisa: “Okey, dal bay”. El a duna un cantidad grandi di readings e weekend ey y hopi mas despues. Tony Robbins a bis’e cu e mester di un frase cu ta haci’e unico. Esey a bira di dje y ta e momento cu el a stop di sconde su don.
Daniela ta yega na e origen di strategia psikico di negoshi den un of dos sesion. E ta saca e proposito y aliniacion di un persona bou di e superficie, uzando cualkier herment cu ta necesario — un psychic reading, un regresion of algo otro. E meta ta pa haya e problema real y no esun cu ta presenta. Den su experencia e “problema di negoshi” casi nunca ta tocante negoshi. E ta un aliniacion entre loke e doño ta construyendo y loke nan ta aki pa haci. Drecha e aliniacion interno cu no ta bon prome y strategia ta bira obvio. E aliniacion interno y e mapa di e caminda practico, den e ordo ey.
Den Focus Digital Magazine di juni, Dani Kura ta splica cua ta un principio di manifestacion cu a cambia su bida completamente. E ta comparti tambe su rutina di manifestacion personal y ki cambionan di mentalidad tabata absolutamente no-negoshabel pa e nivel di crecemento cu e tin awendia. Despues di su evento recientemente na Aruba y lo bolbe otro aña durante su “Dani Kura World Tour”. Fuera di Aruba, e ta bay Singapore, Hulanda, Dubai y Mexico. Lesa e entrevista extenso cu Dani Kuri den e revista, cu ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
Styling y fotografia: Fabienne Lindenbergh
