Pa hopi muhe e celebracion di “Dia di Tata” ta trece gratitud, recuerdo y reflexion. Sinembargo pa otronan, e ta lanta algo mas dificil pa splica. Pasobra tin biaha un tata tabata presente fisicamente… pero emocionalmente no accesibel.
E tabata traha duro.
E tabata provee.
E tabata cumpli cu su responsabilidadnan.
Di pafo tur cos por a mira “suficientemente bon.”
Y precisamente pa motibo ey, hopi muhe ta minimalisa nan experiencia emocional.
Nan ta bisa:
“Pero mi tata tabata ey.”
“El a haci su miho.”
“Mi tabatin cuminda, paña y sosten.”
Y talbes tur esaki ta berdad, pero presencia emocional ta algo diferente.
Presencia emocional ta sinti cu bo ta wordo mira.
Ta sinti sigur pa expresa emocion sin wordo ignora, critica of pidi pa keda keto.
Ta e experiencia di conexion, suavidad, comodidad y disponibilidad emocional.
Ora esaki falta, e sistema nervioso femenino ta adapta na silencio.
Hopi muhe cu a crece den un ambiente emocionalmente aleha ta bira hopi independiente.
Nan ta siña pa no pidi demasiado.
Pa no yora demasiado fuerte.
Pa no spera sosten emocional.
Nan ta bira fuerte.
Pero bou di e forsa aki, hopi ta carga un soledad invisibel cu nan nunca a comprende completamente. Tin muhe cu a wordo proteha financieramente… pero no emocionalmente.
Y hopi biaha esaki ta sigui nan den bida adulto y den intimidad.
No paso nan ta kibra, pero paso e curpa ta recorda ambiente emocional.
Kico un hende muhe cu a crece sin conexion emocional por lucha despues cu ne? Den Focus Digital Magazine di juni, Dina Alexander ta splica di e diferente patronchinan cu e ser femenino por bira consciente sin sinti culpa ni berguensa. Y tin biaha, e sanacion mas poderoso ta cuminsa ora finalmente bo por pone palabra riba loke bo a sinti den silencio durante hopi aña. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
