Despues di diestres aña, Katrina Llegado a gana e di dos titulo di Miss Supranational pa Filipina durante e finalnan di Miss Supranational 2026, cu a tuma luga na e Strzelecki Park Amphitheatre na Nowy Sącz, Lesser Poland, diabierne anochi. Luchando cu su lagrimanan, Llegado, impactante den un trahe di anochi color oro, a tuma su corona for di Miss Supranational 2025 saliente, Alexandra Braun.
Katrina Llegado ta un reina di beyesa Filipino di Taguig y e tin un trayectoria distingui den certamennan di beyesa. El a ser corona como Reina Hispanoamericana Filipina 2019 y el a keda di cinco finalista na Reina Hispanoamericana 2019. Tambe el a competi den e certamen di Miss Universe Philippines 2022, terminando como di dos finalista, y na 2025 el a logra yega den top seis prome cu a nombr’e Miss Supranational Philippines 2026 pa representa e pais internacionalmente
Katrina Llegado di 28 aña ta pertenece na unidad di reserva di Forsa Aereo Filipino y ta un graduado di Maneho Financiero di De La Salle University. Durante e show di trahe nacional el a desfila den un bisti espectacular inspira pa e flor di gumamela conkistando e Best National Costume. E creacion voluminoso tabata destina pa hiba un pida di Filipina riba e escenario internacional, un celebracion di identidad, cultura y creatividad diseña pa Mich Viray.
Como e prome finalista di Miss Supranational 2026 a keda eligi Eve Gilles di Francia y di dos finalista a keda Lara Marina di Brazil, cu aña pasa ta e pais cu a bay cu e corona maximo. Nigeria su representante Ndah Eno a sali di tres finalista y Carolina Gorylova di Czech Republic di cuater finalista. Katrina Llegado a bay Polonia cu e meta pa logra e di dos corona di Filipina despues di e victoria di Mutya Datul como Miss Supranational na 2013.
