Den un mundo cu constantemente ta exigi nos energia, tuma tempo pa alimenta nos mes cu productonan saludabel mester wordo considera como un autocuido radical y tambe spiritual. Vitalidad berdadero ta cuminsa ora nos honra nos curpa y dune tur e ingredientenan pa un bida saludabel y vital. Come ta nos oportunidad diario pa restaura harmonia, cultiva un balans interno y reconecta cu nos forsa esencial.
Comemento Consciente
Cada producto cu nos consumi, ta carga cu frecuencianan energetico. Hopi prome cu bida moderno a transforma comemento den rutinan pura y mentalmente ausento, pero tambe yen di distraccion. Cuminda tabata wordo honra como un brug vital entre e energia humano y forsanan natural cu tin su tras. Ora nos come den un estado di stress, nos ta absorba e intrankilidad ey den nos curpa fisico y energicamente. Comemento consciente ta invita nos pa baha e ritmo, hala rosea y drenta den un espacio di agradecimento.
Den Focus Digital Magazine di e luna aki, Gerald “Gino” Kock ta elabora den su segmento Cushina Consciente cu nos ta conecta cu e elemento di Awa, e energia di fluho emocional, intuicion, y renobacion celular. Awa ta un transformado; e ta limpia, e ta move y ta suavisa.
Trece e conscientisacion di awa na bo mesa ta permiti bo laga tension bay y restaura balans emocional.
Practica conscientisacion di consumo di cuminda na mesa no ta exigi ritualnan compleho of oranan di tempo liber. E ta exigi simplemente un cambio consciente di bo presencia, sea cu bo ta gosa di un salada simpel merdia of un sopi anochi. Den e revista ta duna algun ehempel manera cu prome cu bo tuma bo prome hap, haci un pausa completo. Cera bo wowo y hala rosea profundo, imaginando awa fresco limpiando tur e pensamentonan negativo of di stress acumula durante dia.
Ora bo trece e conscientisacion aki manera awa presente den bo cuminda, comemento no ta un rutina mas, pero un ritual profundamente calmo y cu renobacion, limpiando e emocionnan negativo mientras cu e ta causa un detoxicacion natural, y bolbiendo bo na bo claridad femenino of masculino. Lesa mas di e tema di sumo importancia aki den e revista cu ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
Texto y Potret: Gerald “Gino” Kock Ph.D.
Food Tourism Ambassador WFTA
