Sunday, October 25, 2020

About Us

Desde chikito Aurora Dijkhoff a destaca cu su talento den skirbi y pinta cu tabata su pasatempo preferi. Su deseo tabata pa crea un revista cu por forma parti importante di Aruba su historia y desaroyo social.

This image has an empty alt attribute; its file name is focus-02-gris-j.jpg

Riba e anochi di 7 di april 1995, revista FOCUS a wordo lansa na Aruba y esaki a simbolisa un simia, cu den transcurso di tempo, a crece y trece su frutonan, cu amor, pasion, dedicacion, profesionalismo y sabiduria.

Na december 1995 pa prome biaha a entrega RECONOCIMENTO FOCUS cu e meta pa rindi homenahe na e personanan cu a destaca sea den arte, entretenimento, moda, beyesa of den nan carera profesional. A entrega e prome Reconocimento na Maureen Leenheer-Vieira pa su trayectoria exitoso.

E PORTADANAN PA CELEBRA FOCUS SU ANIVERSARIO SEMPER TIN SU TOKE GLAMUROSO Y FESTIVO CU E CELEBRIDADNAN DI ARUBA COMO PARTI DI E CELEBRACION.

Den transcurso di 23 aña FOCUS a evoluciona, teniendo semper na cuenta pa keda mantene su concepto di ta un revista di estilo di bida di nos hendenan.

Cu orguyo y satisfaccion Aurora Dijkhoff a ricibi den nomber di FOCUS e bunita reconocimento di The Prestige Awards na aña 2015 pa su logro excepcional den comunidad.  Tanto como FOCUS y parti di e famia KIWANIS na Aruba, Auri a forma parti di diferente proyecto importante na bienestar di nos comunidad.

Entrega di FOCUS RECONOCIMENTO ta un anochi cu ta refleha e splendor di e fiestanan anual di e revista, cu ta yena di elegancia, estilo, entretenimento, momento social y diberticion. Cada aña ta bin cu renobacion den e premionan, como tambe e forma con ta scoge e personanan.

Un proyecto di FOCUS cu e apoyo di Medicosmetics Aruba unda a duna merito na e hoben profesionalnan di Aruba. E criteria pa e seleccion di FOCUS IMAGEN tabata primordialmente a base di estilo, personalidad conhuntamente cu e persona su carera profesional.