Paola de L’isle a participa na e certamen di Miss Aruba 2012 y te cu awe e ta recorda e bunita experiencia y cumpliendo asina cu un deseo desde chikito. E siguiente aña Paola a biaha pa Republica Dominicana unda el a competi cu representantenan di Caribe y Sur America logrando e titulo maximo di Miss Belleza Turismo Mundial 2013. Esey tabata otro experiencia unico cu el a haya oportunidad pa competi cu missnan di otro pais, den un otro ambiente completamente diferente.
Miss Press Aruba 2012 ta un titulo cu Paola ta describi como un tremendo experiencia, unda cu el a para den bikini dilanti un panel di hurado consistiendo di miembronan di prensa di Aruba pa contesta e preguntanan riba e topico di noticia. Apesar di e bunita experiencianan toch Paola tin cu bisa cu despues el a sinti cu no tabata e momento adecuado pa bay participa of cu e no tabata cla p’e. E periodo ey ainda e tabata pasando den e proceso di luto cu e perdida di su sobrino, cu tabata bringa cancer pa 2 aña caba.
Na maart 2012 el a perde su bataya y Paola a dicidi di laga tur cos cu e tabata bezig cu ne, pa por tey cu su ruman na Merca unda e tabata biba pa e ultimo dos lunanan di bida di su sobrino. El a wak e oportunidad di bay pa Miss Aruba mas como un distraccion, pa kita for di su mente e dolor cu e tabata pasando na e momentonan ey. Esaki a haci cu despues el a pensa, cu kisas e lo mester a warda un poco mas, pa mentalmente e ta mas prepara pa e certamen. Su conclusion ta cu toch e resultado tabata hopi positivo y el a conoce hopi nice hende y haya amistadnan nobo.
Durante e periodo cu Paola tabata hopi druk cu su preparacion pa e certamen di Miss Belleza Turismo Mundial, el a cera conoci cu Tino Mansur, cu Aña Nobo a ‘pop up e question’ na Paola.
El a conta FOCUS cu nan ta bay cumpli 5 aña hunto y nan a cera conoci cu otro na maart 2013. Poala tabata traha den weekend na ‘wine tasting’ na un wine room pa amplia su conocimento y pa siña mas di biña como un tarea pa su scol unda el a topa cu Tino. Na varios ocasion cu Paola tabata haya invitacion pa sali e mester a nenga door cu e tabatin otro compromisonan pa cu e certamen.
Despues cu Paola a bolbe di Santo Domingo cu Tino a aserc’e su reaccion tabata: “WAW… Ainda e ta worry pa sigui papia cu mi? Apesar di tur cos? So, eynan nos a bay nos prome ‘date’ and that was it! Mane tur pareha nos tabatin nos ‘ups & downs’ te hasta un temporada nos a stop di ‘date’ pa cosnan personal, pero despues toch nos a bolbe bek. Mi tin cu bisa cu nos ta dijs ‘meant to be’ pa nos ta hunto te cu awe nos tin e dicha di anuncia nos engagement”!
The proposal: E tabata algo hopi special y romantico Aña Nobo unda cu Tino a bay na rudia dilanti tur e ‘fireworks’. Paola nunca a pensa cu e por a sinti asina ‘amazing’ di wak su pareha cu asina un smile puntrando si e kier ta cu ne pa semper. “Gewoon hopi bunita, special y wonderful esey ta…. obvio cu mi a bisa SI”. E fecha pa nan wedding ya nan tin caba pero nan ta desea di lage keda algo priva!
