Radisson Blu Aruba a celebra cu orguyo su di cinco aniversario dia 2 di april. Loke a cuminsa den un di e periodonan mas desafiante pa turismo mundial, den medio di e pandemia di Covid, awe a bira un hotel reconoci riba e isla, lidera pa un team completamente local.
“E propiedad aki tabata un edificio di condominio cu no a wordo termina, cu a keda para pa mas di un decada. Nos a tuma over e oportunidad pa transforma algo cu tabata bandona, awo den un hotel exitoso y reconoci.
Sin ta situa riba beach, nos tabata sa cu nos mester pensa diferente y haci cosnan na nos manera y enfoca riba loke realmente ta importante, brinda servicio genuino y crea experiencianan cu realmente ta sinti autentico di Aruba”, e palabranan di Luigi Wix, Gerente General di Radisson Blu Aruba.
E hotel ta distingui su mes no solamente pa su producto, pero tambe pa su hendenan. Desde dia uno, Radisson Blu Aruba ta lidera pa un team completamente local, y ainda awe ta e unico hotel riba isla cu ta local. Tambe e hotel ta posiciona su mes como un di e miho luganan pa traha riba isla, cu un nivel di pago cu ta entre e mihonan na Aruba.
Un Celebracion Special na Blu Tap Cider
E evento principal di aniversario a tuma luga na Blu Tap Cider, e prome cider bar di Caribe y un di e conceptonan mas nobo di e resort.
Durante e anochi, clientenan y partners a disfruta di un festividad cu cider tastings, curated canapés, seafood station y Veuve Clicquot durante henter e evento y un experiencia unico di Jamón Ibérico carving presenta pa Don Esteban Gourmet, e concepto di tapas Spaño di e hotel.
Un Brindis Special cu Huespednan
Dia 1 di april a organisa un brindis di aniversario riba e rooftop pa e huespednan di e hotel cu Veuve Clicquot, canapés y musica di steelpan en bibo.
“5 Years, 5 Stories”
Como parti di e celebracion, Radisson Blu Aruba a lansa e campaña “5 Years, 5 Stories”, resaltando momentonan importante den e historia di e hotel. Como parti di e campaña, cinco ganado a ricibi un estadia di tres anochi pa solamente $5, simbolisando e logro di cinco aña.
Mirando Pa Futuro
Cinco aña despues, Radisson Blu Aruba ta sigui comprometi cu su hendenan, su raiznan local y cu e filosofia di haci cosnan diferente.
“Mirando pa futuro, nos vision ta clear. Na Radisson Blu Aruba, nos ta sigui haci cosnan na nos manera. Nos lo sigui inverti den nos hendenan, haci nos team mas fuerte cu talento local, y lo sigui mantene nos posicion como un di e hotelnan cu miho pago riba Aruba. Tambe den nos manera di brinda hospitalidad na nos huespednan, nos lo sigui mantene e mesun enfoke: creando experiencianan cu ta sinti geniuno y conecta cu e esencia di nos isla”, Shareska Gutierrez, Director of Commercial Strategy, a expresa.
E hotel lo sigui bini cu ideanan, conceptonan nobo y expande, semper cu respet pa e isla y su comunidad.
Pa mas informacion of pa haci un reservacion na e hotel premia aki, por bishita www.bluaruba.com of https://www.choicehotels.com/AW007.
