Cu gran orguyo a anuncia un nomber adicional pa e elenco di Curaçao North Sea Jazz Festival 2018. E programa anuncia anteriormente lo keda amplifica cu e musiconan hubenil di esnan asina yama ‘The Roots of Music Marching Crusaders’ procedente di New Orleans (Merca).
Nan lo bay move marchando durante e dianan di festival como e artistanan den movecion na ingles ‘artist on the move’ riba e terenonan cu ta destina pa e festival. E programa ‘The Roots of Music’ a keda estableci y instala despues di e orcan devastador Katrina, cu lo a duna e hubentud di New Orleans e posibilidadnan pa medio di e plan educacional musical, e apoyo intelectual academico cu e guia di mentornan pa yega na un cierto dominio musical di un instrumento. Na mes momento tambe haci tur loke cu ta posibel pa mantene e herencia musical y cultural di e ciudad ey bibo.
Diestres di e alumnonan mas talentoso lo duna, siendo cu nan ta miembro di ‘The Roots of Music Marching Crusaders’ (E Raísnan di e Kruseronan Musikal Marchando), un muestra visual y tambe vistoso y un exhibicion di nan sonido durante e dianan di Curacao North Sea Jazz Festival durante nan diferente presentacion di e famoso tradicion musical di New Orleans.
