Madonna a lansa su prome album na 1983 y durante su carera artistico e tabata hopi versatil den su look cambiando for di e reina di dance club pa e Dietrich-style vamp. E cantante a uza un mescla di talento, pulcritud y un auto-promocion implacabel pa comberti den un di e artistanan mas popular di final di siglo XX.

 

E no ta desconoci pa loke ta controversia, ya cu Madonna durante hopi tempo tabata un di e faboritonan di prensa sensacionalista. Riba temanan cu ta bay for di e videonan picante y aparicionnan na television te creencianan religioso cu tin biaha hasta mistico. Su matrimonionan cu e actor Jean Penn y cineasta Guy Ritchie. Su yiu Lourdes cu a nace na october 1996 su tata ta Carlos Leon, cu tabata e personal trainer di Madonna. Na augustus 2000, Madonna y Ritchie a haya un yiu homber , Rocco, y na october 2006 nan a adopta un mucha di 13 luna sin mama, David Banda, di e pais africano Malawi. Nan a adopta un segundo yiu di Malawi, Chifundo “Mercy” James na 2009.

Naci como Madonna Ciccone y lanta den un famia catolico na Michigan, el a asisti na Universidad di Michigan prome cu el a muda pa e ciudad di New York na 1978.
 El a lansa un serie di album exitoso y Guinness Book of World Records a nombra Madonna na 2014 como “best-selling female recording artist of all time”, cu mas di 300 miyon album bendi den su carera. Entre su cancionnan exitoso tin sigur; “Like a Virgin” y “Material Girl”. Madonna a actua tambe den diferente pelicula y esnan mas popular ta “Dick Tracy” y “A League of Their Own”.

LEAVE A REPLY

Please enter your comment!
Please enter your name here