Priyanka Chopra (Miss Mundo 2000 y actriz) y Nick Jonas (cantante y actor) a oficialisa nan compromiso dia 18 di augustus na Mumbai India, pais natal di Chopra. E pareha tabata hunto cu nan famia y amigonan di mas cerca ora cu nan a oficialisa nan compromiso den ceremonia Roka, cual a tuma lugar na e residencia di Priyanka na Mumbai.

Despues e pareha enamora a comparti algun potret precioso di e ceremonia y a expresa cu nada di esaki lo a pasa sin e apoyo y bendicion di nan famia y Dios. E ceremonia Roka tabata sigui pa un fiesta di compromiso espectacular na Mumbai. Hunto cu nan famia y amigonan tambe tabata tey presente algun di e celebridadnan clave di Bollywood ademas di e mundo di entretenimento. Priyanka (36) y Nick (25) ta sigui e trend di e estreyanan na unda diferencia di edad no ta un obstaculo pa ta feliz! Despues di a presencia na mei ultimo e boda real di su intima amiga Meghan Markle y prins Harry, ta toca turno awor na Priyanka pa biba su mesun boda mahestuoso di cuenta di hada. Pabien na e estreyanan!

Taken.. With all my heart and soul..

A post shared by Priyanka Chopra (@priyankachopra) on

 

LEAVE A REPLY

Please enter your comment!
Please enter your name here