Jody-Lynn Desbarida a studia HBO Marketing & Communicatie na Hogeschool INHolland Rotterdam, Hulanda. Semper e tabatin interes den actualidad, mercadeo y comunicacion, pues su estudio tabata algo cu a fit perfecto cu locual e tabata gusta. Su experiencia como studiante tabata uno hopi agradabel y alabes duro, pasobra e tabata un studiante y un mama hoben.
Na december 2016 Jody-Lynn hunto cu su yiu y pareha a bin biba na Aruba y el a wak e vacatura pa marketing coordinator na Renaissance Aruba y a aplica mesora. Awendia e ta completamente na encargo cu e mercadeo pa e Mall y Marketplace. Jody-Lynn su personalidad ta miho describi como uno social, pero toch introvert, semper cla pa yuda, pasiona cu locual e ta gusta haci, observante, energetico y curioso. E cualidadnan aki mes ta loke tambe a siñ’e pa nunca stop di kere den su soñonan y si e traha duro, e ta logra. Y prueba di esaki ta, cu el a logra su diploma den 4 aña y tabata sintie bon prepara pa inicia su carera profesional. E aspectonan den su trabou como marketer cu e ta mas pasiona cu ne ta, e varacion cu e trabou ta trece, e contacto cu e huurdonan, genera idea nobo pa Mall y Marketplace sigui crece, crea strategia di mercadeo y mira nan bishitantenan contento. Jody-Lynn Desbarida ta conta di su trayecto profesional y con e ta mantene su mes na top den un trabou cu ta cambiando constantemente. Lesa e entrevista completo den edicion di FOCUS di e luna aki.
