Despues di algun luna di trabou intensivo SETAR a efectua cu orguyo e re-apertura di Teleshop Irausquinplein, situa banda di Postkantoor. E ta e prome Teleshop den SETAR su estilo nobo cu lo continua na tur Teleshop den futuro cercano.
E parti exterior di Teleshop Irausquinplein ta un simbolo di SETAR como compania nacional. Ora bishitantenan drenta e Teleshop, SETAR ta brinda un experiencia nobo. Depende di e motibo di e bishita, e cliente por paga su recibo na e machine famoso ‘Clarita’ cu yudansa di e host(ess), of bishita e area di ‘touch and feel’ na unda clientenan por experiencia tecnologianan nobo cu tin rond mundo.
Tin un area pa wak e ultimo celularnan y acesorionan cu tin na benta. Clientenan cu ta wardando nan turno por tuma asiento na e ‘media tables’, cu ta duna e oportunidad pa carga cualkier celular, tablet of laptop. Tambe tin un area unda cliente por wak television den e confortabilidad di un sofa grandi. Tur esaki y mas den un bachi digital y innovativo cu ta unico na Aruba.
