Kiwanis Club of Aruba a organisa diadomingo 24 di maart su di 10 torneo anual di golf riba e cancha di golf di The Links na Divi. E torneo di golf aki tabata di 18 “holes” den team di 4 persona cu e formato scramble. E interes di e golfistanan pa participa e aña aki atrobe tabata asina grandi, cu e torneo aki a ‘sold out’ dos siman prome. E torneo tabatin 2 “flight”; e prome “flight” cu a cuminsa pa 8’or di mainta y di dos “flight” pa 12’or y mey di merdia. Como e premio pa e ‘hole-in-on’ tabata un Ford Edge SEL 2019 patrosina pa Yrausquin, sinembargo niun hungador a logra bay cu e fabuloso premio aki.
E torneo e aña aki tabatin un toke special en conexion cu e celebracion di su 10 aniversario. Pa habri e weekend den e ambiente di competencia y celebracion, a tene e diabierna prome cu e torneo, un atardi ameno di registracion combina cu un ‘cocktail party’ pa e golfistanan, cual tabata patrocina pa Aruba Trading. For di aki por a sinti caba e entusiasmo entre e golfistanan pa e torneo, cu mayoría di nan ta participa fielmente tur aña. Riba diadomingo di e torneo mes tanto e comision organisador di Kiwanis Club of Aruba como e personal di Divi Links, tabata cla prepara pa duna bon bini na e golfistanan parti mainta y merdia. Na final di e torneo e teamnan a topa riba e terasa di Divi Links unda despues di a disfruta di un delicioso buffet, a warda pa e momento tan spera di entrega di e premionan.
GANADORNAN DI KIWANIS CLUB OF ARUBA SU DI 10 TORNEO DI GOLF
Best Gross:Antonio Fanianos, Juan Bocache, Orlando Luzardo y Walter Stipa
Best Net:Bjorn Angela, Eddy Mohamed, Edson Kelly y Robert Charles
Longest drive male: Ed Croes / Longest drive female:Libby Ter Weeme
Closest to the pin: Deo Fluonia
E 10 aniversario di Kiwanis Club of Aruba su torneo di golf, a cera di un forma hopi special momento cu e presidente, Edalitza Weller, a haci entrega di e donacion na balor di AWG 10.000,- na “Stichting Trampolin pa Trabao”. E donacion aki ta bin directamente for di e fondonan recauda di e torneo di golf y lo wordo uza pa e fundacion eherce su tremendo trabou na bienestar di nos mucha- y hobennan special den e comunidad.
Kiwanis Club of Aruba ta gradici Elisa Lejuez, Gilbert Senchi y Little Switzerland pa contribui cu nan piezanan pa e subasta teni riba e diadomingo di e torneo di golf. Tambe e empresanan cu a contribui cu diferente premio atractivo pa e rifa manera Divi Links, The Ritz-Carlton Aruba y Papiamento Restaurant.
Cuadra di e coleccion 2019 di Elisa Lejuez
Mini escultura di Lolita di Gilbert Senchi
Espectacular cadena cu un hanger di diamanta di Little Switzerland
MASHA DANKI
AIB Bank, Aruba Airport Authority, AFAS Software, Advance Human Resource Group, AMC Unicon, Arugas, CIBC First Caribbean, CMB, Compliance Services Caribbean, Deloitte, Digicel, Ennia, FMSA/RDA, Glitz Casino, Guardian Group, Grant Thornton, RBC Royal Bank, SETAR, Valspar, WEB, WEMA, Yrausquin, Aruba Trading, Manrique Capriles, Agat Events, Click Print y Golfistanan
Un GRADICIMENTO SPECIAL ta bay tambe na e personal di The Links y Divi Resort, e team di ELITE Productions pa e tremendo trabou realisa pa haci asina un biaha mas e torneo di golf di Kiwanis Club of Aruba un exito rotundo.
