No gasta mas den tiñamento, ni sufri mas con bo cabey ta cay. Djis uza un ingrediente, cu sigur bo tin na cas, pa detene ambos problema: bicarbonato di sodio. Aki tin un remedi casero accesibel y mas importante, efectivo. Aplic’e cu e receta aki:
Ingrediente:
- 1 cup di bicarbonato di sodio
- 1 cup di bo shampoo
Preparacion:
Den un baki pone ambos ingrediente y cu ayudo di un cuchara, draai e, te ora e bira un pasta.
Uzo:
Percura bo cabey ta limpi y seco, aplica riba e cuero di cabey y resto di cabey, duna masashi circular cu e puntanan di bo dede.
Cubrie cu un plastic y lag’e actua pa 30 minuut y despues hawa bo cabey cu awa lauw. Hacie 2 biaha pa siman y den 1 luna, bo lo ripara e cambio den bo cabey.
