Cayente y Bold – Burnt Tangerine – ta un color poderoso cu ta transmiti calor y energia instantaneamente. Den moda e tono aki hopi biaha ta wordo uza pa haci un statement sin ta mucho flashy. E ta entre oraño y maron, dunand’e un sintimento cu ta tanto bruin como moderno. Bisti den e color aki tambe ta crea un look elegante pero dibertido. E color ta bay bon cu tononan neutral manera beige y maron scur. Door di esaki e look ta keda den balans mientras cu e ta permiti e color resalta.
Fresco y Enterno – Sky Blue – ta trece un sentido di trankilidad y frescura na cualkier outfit. E tono aki ta laga bo corda riba un shelo blauw cla y ta crea un apariencia suave y atractivo. Den primavera y zomer sky blue ta un escogencia popular pa telanan fresco manera catuna y linnen. E color ta combina facilmente cu blanco, shinishi y hasta denim, haciendo esaki un escogencia funcional tanto pa pañanan casual como mas formal. Sky blue ta keda eterno y nunca ta bay realmente for di moda.
Suave y Dibertido – Sugar Pink – ta un dushi color cu hopi biaha ta wordo asocia cu suavidad y romance. Den moda e tono aki ta crea un look lief y femenino. E ta un variante mas cla di ros cu ta suavemente presente sin sinti sobrecarga. E color ta combina bunita cu blanco, shinishi cla y hasta preto contrast pa un twist moderno. Esaki ta permiti bo crea tanto un look edgy como suave. Sugar pink ta perfecto pa tur hende cu kier agrega un toke di suavidad na nan outfit.
Sea bo ta mesclando color, textura, kibrando reglanan of descubriendo bo silueta caracteristico, corda cu moda no ta tocante di sigui tur tendencia, pero pa sa di bisti cu proposito y biba bunita. Den Focus Digital Magazine e fashionista, Swesdy Beeldsnijder, ta trece den su segmento mensual “InStyle” loke ta resalta riba e escenario di moda globalmente. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
