Divi Resorts a duna un pre-bista di e temporada di Fin di Aña, cu su tradicional evento den Alhambra Ballroom. E ballroom a keda hopi festivo cu e mesanan elegantemente decora, unda Divi a demostra su excelencia culinario cu hopi delicioso hors d’oeuvres, cu a wordo prepara pa e ekipo culinario extendi di Divi. Na mesun momento e invitadonan a disfruta di e entretenimento en bibo y musica bailabel.
Presente tabata e Ekipo Ehecutivo como tambe hopi otro trahando pa e cinco propiedadnan di Divi riba e isla, esta Divi Aruba All Inclusive, Tamarijn Aruba All Inclusive, Divi Village Golf & Beach Resort, Divi Dutch Village y Divi Aruba Phoenix Beach Resort. Divi su Ekipo di Bankete y Evento ta cla pa cualkier reto, introduciendo e luganan grandi y chikito pa e fiestanan fabuloso y individualisa di Fin di Aña, bruid y evento corporativo.
