E fundacion Hope for Paws ta un organisacion cu ta colecta entre otro cuminda pa pushi y cacho, y ta percura pa esaki yega na e diferente animal shelter cu tin den nos comunidad. Nan a inicia cu e bunita gesto aki november 2018 y durante aña 2019 nan a aserca famia y conocirnan, pero tambe diferente instancia pa nan aporte.
Amayra Boekhoudt di e departamento Trade Relations di A.T.A. a tuma e iniciativa pa colecta donacion for di su coleganan. Nan a logra cumpra 12 saco grandi di cuminda pa cacho mas dos saco grandi di cuminda pa pushi. Diabierna dia 4 di october (Dia Internacional di Bestia) e ekipo di A.T.A. a entrega e donacion na e organisacion di Hope for Paws. A.T.A. ta expresa su gratitud na tur colega cu a contribui na e bunita gesto aki y sigur esaki por sirbi como un ehempel pa otro compania/instancianan den nos comunidad. Riba potret por mira ekipo di A.T.A. cu hunto a haci entrega di nan donacion na representantenan di e fundacion, cu ta Stacey y Shanley Banfield.
