Stellaris Casino ta host mayan nan fabuloso “Tier Dance Gala Party” pa tur nan hungadonan. Na comienso di e luna di Augustus a entretene e invitadonan e “front line” di ERA di Corsou, kendenan tabatin un presentacion apart, y D’Licious a pone tur hende baila y pasa un anochi inolvidabel. E “front line” di ERA tabata acompaña p’e integrantenan di Buleria y DLS bou encargo di e talentoso pianista Migi B y Dwight Leoneta, kende Boy Thode a scoge personalmente, cu e tarea pa entrega e banda perfecto p’e anochi.
Stellaris Casino henter aña ta organisa 4 evento pa su clientenan. Ultimo biaha a cambia e concepto mirando e demanda grandi cu tin di e hungadonan. Debi cu e demanda a sigui, pasobra e clientenan di cada grupo a bira mas grandi, Stellaris Casino a dicidi di purba algo diferente. E casino semper ta explora diversidad pa e clientenan y keda ofrece nan e miho y a logra esaki. Stellaris Casino a crea un evento grandisimo pa nan clientenan y a haci esaki den un solo anochi cu ta e Tier Dance Party. Mayan anochi e invitadonan lo bay goza cu e grupo Curacao 90’s Legends y Buleria den Aruba Marriott Resort Grand Ballroom.
