E pregunta si mester casa of no semper ta keda un misterio. Pa hopi hende, casamento ta e forma di mas significante di compromiso cu un persona. Pa otro e ta djis un perdemento di tempo y algo innecesario. Sin importa cua ta bo forma di pensa of mira esaki, ta di sumo importancia pa un pareha realmente pensa riba kico nan ta bay haci, prome cu nan core bula den un compromiso cu otro.
Sinembargo tin algun patronchi cu ta surgi di pareha cu relacion solido y aki ta indica nan:
1 E ta sorprende bo cu un homber manera e, ta existi den e mundo aki, door di ta semper diferente, unda e ta surpasa bo expectativanan.
2 E tin un forma di laga su atraccion na dje crece mas, entre mas largo boso ta cu otro. E sa cu e tin cu traha pa ta sigur cu bo amor y afeccion pa otro mester keda crece continuamente.
3 E ta laga bo sinti ok door di contradecie y discuti de bes en cuando y semper e lo laga bo sinti ok pa expresa bo mes den un forma honesto y habri.
4 E ta laga bo sinti balora y aprecia tur momento y ta compronde e importancia di expresa gratitud.
5 E tin cierto peculiaridad y excentridad cu bo ta haya atractivo.
6 E ta demostra disposicion pa compromete cu bo. E ta demostra boluntad pa ahusta, pa asina boso por topa otro na caminda y pone e cosnan funciona pa bo.
7 E no lo haci nada pa pone bo duda di su compromiso.
8 E ta comparti plan di futuro similar cu di bo.
9 E ta haci bo un miho hende, pasobra boso ta hunto.
