Aruba tin un representante bunita, inteligente y talentoso den persona di Zury Ruiz pa representa nos na Ecuador den e certamen di Miss Teen Supranational. Zury lo viaha dia 25 di november pa Ecuador, unda e lo ta participando den e prome edicion di eleccion di Miss Teen Supranational, door cu na 2018 nan a solamente corona un mucha muher. E certamen ta bou di encargo di e mesun director di Miss Teen Earth, Rodrigo Moreira, cual concurso na 2018 Shanty Kanhai a sa di gana e titulo maximo di MTE.
Zury no ta desconoci den mundo di beyesa, el a sali Pre Teen Aruba 2016 y na 2017 a representa Aruba na Costa Rica, y a bin cu e titulo maximo di Teen Reina Internacional de los Mares y Turismo. Pues e aña aki a haya e oportunidad di concursa internacionalmente un biaha mas. Zury ta biahando cu e mesun team cu el a bay Costa Rica. E President di Miss Youth Aruba: Robin Croes, Vice President MYA: Edson Everon (tambe su runway coach), Allan Kock: estilista, tanta Susan Kelly, su mama Ritsma Croes y tambe Laury Dabian. E certamen mes ta for di dia 26 di november pa dia 30 di november . Esaki ta un eleccion completamente diferente, unda no ta enfoca solamente riba e beyesa, pero ta busca mucha muhernan talentoso y cu por para pa e diferente causanan rond mundo.
Por Vote pa ARUBA riba e page oficial di Miss Teen Supranational riba Instagram (cual e M ta cuminsa cu un ronchi blauw)
