Un anochi di competencia y moda a ser presenta pa Matrix y Manrique Capriles den Hyatt Regency Ballroom diabierna anochi. E competencia tabata entre 6 estilista cu a demostra nan arte y conocimento riba escenario inspira riba e tema di Carnaval, cu a refleha color y creatividad. Cada estilista a splica e huradonan internacional cu ta expertonan den e ramo, cu ta representa marcanan manera L’Oreal Caribe y Matrix.

E evento aki ta pa brinda e estilistanan e oportunidad pa por crece den e area aki, caminda nan ta siña y educa nan mes den mundo di beyesa di cabey. Como MC a fungi Allan Kock cu sigur a sa di duna e anochi su toke dibertido den su propio estilo. Un fashion show di D Shop cu e coleccion nobo tambe a wordo desfila riba e anochi aki. Na final a anuncia e ganadornan cu a resulta na di dos lugar Alex Tejada y como e ganador Leoman Sanchez, ambos di Hair Factory. Pabien na e ganadornan y tambe na e organisadornan cu un tremendo evento!

LEAVE A REPLY

Please enter your comment!
Please enter your name here