Si bo ta pasa parti di dia sinta na bo trabou, no tin tempo pa haci ehercicio y bo ta desea di cuida bo figura, nos ta bisa bo con bo por baha peso durante anochi. Un estudio di Universidad di Missouri (Merca) a revela cu e personanan cu no por haci ehercicio durante dia, pero a haci cierto accion durante anochi, por a baha di peso y ademas, tonifica nan bariga.
Anochi como bo miho aliado:
• Mantene bo camber scur! Un estudio publica den Journal of Pineal Research a sigura cu melatonina por yuda bo curpa na produci mas hormoon cu ta kima vet. Abo por logr’e door di descansa den scuridad.
• Entre mas friu bo camber, mihor! National Institute of Health Clinical Center a descubri cu e personanan cu ta drumi den un camber cu temperatura abou, ta kima te hasta 7 biaha mas caloria, cu esunnan cu ta drumi den e temperaturanan mas halto.
• Come prome cu drumi! Bo curpa no ta digeri e cuminda di manera asina eficiente ora bo ta drumi. Pues ta miho bo hacie 3 ora prome cu bo bay subi cama.
• Haci ehercicio! Si bo ta haci ehercicio cardiovascular 2 of 3 ora prome cu drumi, bo ta acelera bo metabolismo y bo ta kima caloria di manera eficiente.
• Bebe te berde! Si bo kier perde peso y tin un bariga plat, tur anochi prome cu drumi, bebe un copi di te di e infusion aki. Ta ideal pa reduci kilo y desinflama cierto parti di bo curpa.
