Den e tempo aki cu mundo ta den crisis di COVID-19 Pandemia, e bunita noticia ta di e babynan cu ta na caminda. E modelo internacional Gigi Hadid ta en espera di su prome baby cu Zayn Malik. Na Aruba ex-Miss Aruba y abogado Larisa Leeuwe a post riba su Instagram, e Gender Reveal di su prome baby cu su pareha Lance Henriquez. Awe Laura Ras cu ta biba na Hulanda hunto cu su casa Ryan Ras, a anuncia nan baby cu ta bay nace na november.

Prome cu Hadid a confirma e embaraso riba 30 di April 2020, ya tabata circula e rumornan di e noticia. TMZ y Entertainment Tonight a informa e supuesto noticianan den principio di siman. ET a scirbi: “Gigi y Zayn ta sperando nan prome yiu hunto y e pareha ta hopi emociona”. Gigi a mantene e secreto pa su famia y amistadnan pa un tempo. Awor cu Gigi y Zayn ta hunto bek for di fin di aña pasa, tabata como si fuera cu nunca nan no a separa y nan a sinti cu nan tin algo special cu otro. E pareha y nan famianan ta hopi contento cu e noticia aki.

Larisa Leeuwe cu despues di a clasifica den e Top 20 di Miss World 2013, a pone e etapa di miss y modelo un banda  pa sigui su estudio den ley. Despues di a gradua na 2017 na Universidad di Aruba, el a inicia na augustus 2017 e funcion di abogado na e bufete Kloes Kock & Partners. Su ambicion ta, pa sigui desaroya su conocemento riba diferente tereno di ley y asina sigui crece como persona y como profesional den su carera di abogacia. Awor cu e anuncio di su yiu homber na caminda sigur esaki ta un etapa cu e ta bay disfruta di cada momento.


Laura y Ryan Ras ta biba na Hulanda desde 2015 y aña pasa nan a celebra nan matrimonio na Aruba durante un ceremonia emocional y espectacular. Awe nan a anuncia riba na social platform cu nan ta hopi emociona cu finalmente por comparti e gran noticia cu tur hende. Baby Ras ta yega na november! Nan ta hopi bendiciona y encanta di ricibi un yiu na e mundo aki y nan ta ansioso pa conoce nan sweet baby. “Descubri cu bo ta na estado durante un pandemia y net prome cu cuarentena no ta fun. E miedo di ser mayornan pa prome biaha ta riba otro nivel! E banda positivo, cu nos tabata na cas hunto, asina cu Ryan por a cuida mi durante e ‘morning (ALL DAY)  sickness.. Afortunadamente esey a cuminsa bay. Mi ta gradicido di por experimenta embaraso”: Laura a post riba su facebook awe. WE’RE HAVING A BABY!!!! 🤰

LEAVE A REPLY

Please enter your comment!
Please enter your name here