Sarah ainda no por kere cu e ta e prome Miss Aruba Online! E ta un honor sigur cu el a haya e oportunidad pa participa, y logra e titulo Miss Aruba Online 2020. E dia siguiente Sarah su mama a puntre: “Y awor?’ y cu un smile grandi riba mi cara mi por a bisa cu awo e parti mas great ta bay cuminsa. Proyectonan, mas campaigns y sigur hopi teamwork cu e otro candidatanan pa nos crea mas powerful girls. Cu e titulo mi kier uza e plataforma mas hopi posibel y conecta pa por haci un diferencia hunto den nos mundo cu union. Cuminsando chikito, riba e plataforma di Miss Aruba Online y asina sigui pa friends, conoci, strangers, Aruba y some day mundo”.
Sarah ta kere cu nos tin cu traha hunto pa nos por crece como humano, mehora unda nos ta sinti nos por haci miho y crece na unda nos ta haciendo un tremendo trabou caba. Como e prome Miss Aruba Online e kier ta e bos pa persona cu porta mester scucha e palabranan; ‘Bo por!’ of ‘Bo ta bunita den tur manera!’, it’s a short sentence, but it can work magic.

“EXTREMELY  IMPRESSED”

Sarah su experiencia como candidata den un certamen full online tabata tremendo, di e prome dia te e ultimo e comunicacion entre e girls y e comision tabata super. E tabata un experiencia completamente diferente compara cu e dos certamennan cu el a competi, ademas cu e tabata hopi mas ‘challenging’. E ta dificil pa mustra bo personalidad via potret of video di maximo 30 seconde.
“Pa e motibo aki mi a purba ‘think outside the box as much as possible’. Mi tabata kier hende wak e ‘bubbly Sarah’ cu bo lo conoce den persona, y purba laga nan conoce mi caracter mas miho posibel”.
Tur cos tabata online, e prome meeting cu e comision y e otro candidatanan tabata via zoom y e siguiente dia nan a dicidi di haci un zoom meeting: ‘nos cu nos’ pa asina conoce otro miho y sigur nan a hari hopi !
“Mi por bisa si cu mi tabatin mas nervio pa e resultadonan di cada challenge compara cu por ehempel e momento ora nan saca resultado riba stage. Porta esaki ta zona kens, pero den mi opinion social media tin un influencia hopi grandi riba nos pensamento y tambe ‘self validation’. Mi ta sinti cu mi a siña hopi di e pageant aki door di ta mi mes, y accepta mi mes con mi ta. Tur e girls a presenta TREMENDO resultado di e challenges, mi tabata extremely impressed cu tur di nan.

Den ki forma bo a sinti cu bo a redefini e standardnan di beyesa? 

Cu e plataforma di Miss Aruba Online mi kier purba tuma un stap pa dilanti tur dia hunto cu e otro girls pa redifini e standardnan di beyesa. Con? Door di uni, papia y motiva otro pa crece. Door di demostra cu no mester tin un standard di beyesa, pero cu beyesa ta algo cu tin ‘diversity’ y cu esey ta mas bunita ainda. Si nos por recorda otro cu cada detaye di un persona ta haci’e bunita y su mes, nos por crece hunto den un mundo unda no tin beauty standards, pero den un mundo unda tur hende ta diferente, y esey ta haci bo bunita. Claro, esaki no ta algo nos lo logra den un dia, pero cu stap chikito nos lo bay dilanti. Tur dia caba mi ta wak hende ta ‘empower’ otro, yuda otro den un manera of otro, y asta inspira un hende sin cu nan mes ta ripara! Nos ta haciendo un tremendo trabou den un situacion fastioso manera nos ta aworaki, awo con nos por haci mas? Social media tin un poder hopi grandi awendia, y si nos por uza e plataforma aki pa inspira otro, imagina cuanto cos bunita lo por sali for di esaki.

“BEING MYSELF”

“Locual mi a purba di haci mas hopi posibel ta pa ta 100%  mi mes den cada challenge. Den mi opinion, si un persona no ta honesto nan no por ta 100% nan mes, y ami ta aprecia hopi ora un hende por ta honesto cu su mes y otro hende. Na ningun momento mi a bisa of haci algo cu un miss ta ‘supposed’ di haci, of bisa locual ami ta kere e publico ta spera di scucha for di un miss. Mi tabata kier a conecta cu hende y pa nan conoce mi riba un nivel mas personal, cu por ta basta dificil via social media. By being myself, and connect with the followers through lives, interactive posts, y more challenges cu mi por haci cu e followers, I want to re-define the standards of beauty by showing how beautiful it can be to be 100% yourself”.

Cua tabata e Challenges cu bo a enjoy y esun cu bo a siña mas di dje?

Tur tabata super leuk y sigur hopi diferente. Ami cu mi team (den otro palabra ami cu mi mama y leu a leu mi ruman) a sinta pa cada challenge y papia kico nos kier logra cu e video of potret. Mi faborito tabata ‘This is me’ y ‘Anti Cyber Bullying Campaign’. Den tur dos mi tabata sinti mi hopi comodo y mi a enjoy share un parti di mi bida cu e plataforma. Mientras e challenge di e campaign tabata mi faborito, el a siña mi mas cu tur challenge tambe. E ‘anti cyber bullying campaign’ tabata un momento di honestidad pa mi, y unda mi por a uni cu algun di e muhernan cu mi ta admira den mi bida. Pa e motibo aki pronto mi lo lansa un part 2 di mi campaign tambe. Tur e challenges tabata super great pa filma, ami huntu cu mi mama sigur a bond y hari hopi, ora nos mester a filma mil biaha di nobo paso mi no a gusta mi cara! Hahaha.

Cu ‘shelter in place’ y ‘distanciamento social’ con a logra cada Challenge?

Pa mi no tabata mucho dificil, mi tabata hopi lucky di tin mi mama den mi team pa yuda mi, cu su creatividad y filming skills. Na mi cas desde comienso nos ta sali di cas solamente pa ‘urgent matters’ manera supermercado of botica, dus mi no a haya moeilijk pa keda cas y asina mi no a pidi ayudo for di friends tampoco. Mi a filma e video di ‘Confidence is Key’ den e rooi band’i mi cas hunto cu mi mama, y esaki tabata e unico challenge na unda nos a sali fo’i  cura di cas, aunke e rooi ta keda 5 minuut leu di mi cas na pia …haha. Mi kier bisa si cu tabatin momento cu ta dificil pa ta creativo na cas so.

ACCEPT, APOLOGIZE & EMPOWER

Splica en corto di bo ‘Anti- Cyber Bullying Campaign’
Mi campaign yama Sisterhood in 1, 2, 3! Y e ta un 3 step fase na unda nos por tuma un momento y pensa riba; Accept, Apologize y Empower. Hopi biaha nos no ta ripara nos ta forma parti di bullying sea ta personal of via social media. Dunando un comentario negativo of asta ora nos no stop un otro persona di papia negativo di un hende. Mi campaign ta pa nos para keto na nos mesun accionnan y pensa, con ami por mehora como persona? Y con ami por empower otro hende? Nos por crea algo asina bunita si nos pensa miho prome nos papia y si nos crece hunto den humano fuerte.

Con e comunicacion tabata cu e otro candidatanan?

Super!! E girls ta hopi lief y nos a traha un groupchat riba dia 3 cu yama ‘Queens’ na unda nos por a pidi ayudo of djis papia coy kens. Halfway through cos tabata keto un rato pero mi ta kere esey tabata, paso nos tur tabata focus riba e challenges. Overall, e girls ta amazing, nos a crea un bunita bond y nos a plan caba dia e situacion fastioso mehora nos lo topa y celebra hunto.

Bo a spera di bira e ganadora mirando cu bo a sobresali semper den Top 5?

No…  sigur cu no. Tabata amazing pa wak mi mes den e top 5 cada challenge, pero tur e otro candidatanan tabata asina fuerte cu mi no tabatin niun idea ken lo gana! Nos tur tabatin un vision den mente y kico nos kier a deliver cu cada challenge, y mi ta admira cada un di e damanan pa e trabou cu nan a hinca den e pageant aki. Mi ta hopi humbled cu mi a logra gana e titulo pero e competencia tabata hopi fuerte sigur.

INSPIRACION

Sarah su inspiracion ta cada persona cu ta bringa pa logra nan soño. Ta hopi facil pa bisa cu bo tin ‘dreams y goals’ pa futuro, pero ta dificil pa traha duro y bay p’e! Su aspiracion haciendo uzo di e plataforma di Miss Aruba Online ta, pa e no ta solamente un role model, pero tambe un persona cu por sinti comodo pa papia cu ne si mester di ayudo. Den futuro e lo kier sigui competi den otro certamen, y asta bay pa Miss Aruba. E plataforma cu e mundo di beyesa a dune a inspire pa yuda otro, pa inspira y pa no tin miedo di saca su bos. E ta encanta traha cu hende, plania y traha memoria. Actualmente e ta un wedding planner y ta stima su trabou. E lo kier sigui crece, pa planea mas tipo di evento y sigui su estudio pa e por semper sigui expande su horizontenan. Y un ‘small item’ riba su ‘long bucket list’ ta pa mehora y crece den public speaking. Tur dia e ta wak TED talks y nan ta inspir’e  den hopi nivel di su bida, si no ta trabou ta personalmente.

LEAVE A REPLY

Please enter your comment!
Please enter your name here