Un di su fans mas leal a muri di COVID-19 cu solamente 36 aña, y e cantante mexicana a duna un homenahe na su gran admirador. E cantante a uza su Instagram pa un post hopi dificil anunciando e fayecimento di Juan Carlos Pastrana, cu a fayece consecuencia di e complicacionnnan deriva di coronavirus. E relacion estrecho cu Thalía ta mantene cu su fans ta algo cu ta bon conoci den e mundo di entretenimento. E mexicana ta uza su rednan social pa comunica diariamente y ta comparti video y diferente otro cos a traves di e Plataforma aki.
Juan Carlos tabata un fans di Thalía cu no tabata perde niun evento of presentacion publico, segun el a recorde den un video cu el a recompila cu hopi potret, cu nan a saca hunto durante mas di un decada. Thalía hopi afecta cu e noticia a bisa den un grabacion: “Gran parte de su vida la compartió conmigo, con mis ilusiones y mis sueños y mis proyectos. Siempre estuvo ahí apoyándome y era parte de la Thali-familia. Todos nosotros estamos de luto, estamos muy conmovidos y consternados”. Thalia a expresa cu esaki ta un Perdida cu ta duele infinitamente pasobra esaki ta un ‘chico’ cu e unico cu e tabata Brinda ta bondad, amor, bienestar, trankilidad y felicidad”.
E artista a manda su mas sentido pesame na e sernan keri di e fayecido den su nomber y e resto di ‘Thali-familia’, y tambe el a pidi su siguidornan pa cuida y tuma tur e precaucionnan posibel e simannan aki pa reduci e riesgo pa contagia. Thalia a añadi como despedida: “Te queremos, Juan Carlos, donde quieras que estés, te queremos”.
