![](https://focus.aw/wp-content/uploads/2020/06/ARUBA-BANK-CU-DONACION-NA-NOS-GRANDINAN-DSC_7085-1024x683.jpg)
Durante fin di siman, Aruba Bank a haci un donacion na diferente cas pa nos grandinan aki na Aruba. Cinco (5) cas pa nos grandinan a ricibi un set di bingo cu cien (100) carchi di wega y un variacion di basket yena cu premio for di Aruba Bank. Cu e donacion aki, e banco ta yuda e institucionnan pa entretene nos grandinan, cu ta den isolacion y no por ricibi bishita di amistadnan of famia, door di e situacion di COVID-19.
![](https://focus.aw/wp-content/uploads/2020/06/ARUBA-BANK-CU-DONACION-NA-NOS-GRANDINAN_7052-1024x683.jpg)
Aruba Bank a haci algo extra pa asina nos grandinan sinti nan menos nan so y por tin algo adicional pa entretene nan mes. E representantenan di e banco a haci entrega di e set di bingonan y e regalonan na Centro di Cuido na San Nicolas, San Pedro-Paviljoen, Huize Maristella, Fundashon Hospice Atardi y Stichting Thuiszorg Aruba. Aruba Bank ta gradici tur voluntario pa nan tremendo trabou cu di un manera of otro ta duna un man pa yuda cuida nos grandinan.
![](https://focus.aw/wp-content/uploads/2020/06/ARUBA-BANK-CU-DONACION-NA-NOS-GRANDINAN-DSC_7165-1024x683.jpg)
![](https://focus.aw/wp-content/uploads/2020/06/ARUBA-BANK-CU-DONACION-NA-NOS-GRANDINAN-DSC_7009-1024x683.jpg)