E cantante Sia a bira wela despues di a adopta dos mucha homber teener aña pasa. E cantante di Australia, cu ta miho conoci pa su canticanan mane Chandelier, The Greatest y Cheap Thrills, a adopta dos mucha homber di 18 aña cu tabata birando mucho bieu pa e sistema di adopcion. Den e podcast di Apple Music Show di Zane Lowe, el a revela cu su yiu mas jong a bira tata. Segun Sia su palabranan: “Mi ta un wela, mi ta un f***ing wela”, y el a sigui bisa: “Mi tin miedo!”,  mientras bou harimento den e entrevista cu Zane Lowe, el a finalisa bisando: “No… awo den serio, mi ta hopi contento!”.


E ta bisa cu su yiunan ta yame ‘Nana’, pero e ta purba pa nan cuminsa yame ‘Lovey’ mane Kris Jenner. Sia no a duna hopi detaye di su nietonan. Pero el a papia di e experiencia di adopta su dos yiunan. Sia ta bisa: “E proceso a cuminsa manera un rollercoaster”.

Den e podcast nan a puntra Sia tocante di e movimiento Black Lives Matter, y e cantante a bisa cu e adopcion di su dos yiu hombernan, cu ta di color, a siñe un les importante di rasa y privilegio. El a bisa: “Ta duna mi berguensa cu a dura mi pa adopta dos yiu homber, cu ta color scur pa realmente compronde kico nan ta pasa den nan bida diario”.

LEAVE A REPLY

Please enter your comment!
Please enter your name here