Donald Trump ayera nochi a bisa cu e ta liber di remedi den un entrevista cu Tucker Carlson di Fox, un siman despues cu el a wordo hospitalisa pa coronavirus. No a keda hopi cla ki ora el a haci e entrevista, loke Carlson a bisa ta, cu el a ser graba pa un ekipo di camara di The White House.
E dokternan di Trump a bisa cu nan a dune un cocktail di remedi fuerte, cu a inclui steroide dexametasona, usualmente asocia cu e casonan grave di COVID-19. E presidente di Merca a indica tambe cu nan lo haci otro test cu ne, pero e no sa ki ora, cu probablemente lo ta awe. E testnan ta wordo haci cada dos dia.
