Roland Garros por tin un solo rey y esey ta Rafael Nadal. E spaño a anula Novak Djokovic, e number uno mundial vigente, pa 6-0, 6-2 y 7-5 den dos ora y 45 minuut. Rafa Nadal a gana su 13º Roland Garros awe igualando asina tambe e historico marca di 20 Grand Slams di Roger Federer.
Tres lustro despues, den e bataya pa eternidad Nadal a iguala na e 20 ‘grandinan’ cu su eterno rival Federer, cu ta ausente door di un lesion na su rudia, mientras cu Djokovic ta keda cu 17. Nadal a logra den e Roland Garros aki, cu a keda desplasa pa awor door di e pandemia y hugando unicamente dilanti 1.000 persona pa dia.
E victoria de Rafa Nadal den e final di Roland Garros a provoca un avalancha di felicitacion di e hendenan di tur ambito a traves di e rednan social. E presidente di Gobierno, Pedro Sánchez, a post: “Solo tú conoces el camino”. Nadal a logra uni e presidente spaño cu e lider di e oposicion y presidente di PP, Pablo Casado, ken a califica Rafa como e miho deportista spaño den historia y gran embahador di Spaña.
