Den e glamuroso mundo di Hollywood semper tin e curiosidad pa mira cua ta e celebridadnan cu ta namora. E parehanan aki LGBT di Hollywood tin un relacion solido y hopi a resulta un sorpresa di ta hunto. Laga nos tira un bista mas di cerca di Hollywood su LGBT Lovebirds cu ta demostra cu amor no tin limite.
Ricky Martin & Jwan Yosef
Nan a afirma cu tabata un amor a primera vista. E cantante Ricky Martin y Jwan Yosef, cu ta un pintor, a casa dos aña pasa. Recientemente nan a revela cu awor lo kier celebra nan union hunto cu nan 4 yiunan.
Chely Wright & Lauren Blitzer
Chely Wright ta un musico country y Lauren Blitzer ta e autora di e buki Same Sex in the City: So Your Prince Charming Is Really a Cinderella. E pareha a casa na augustus 2011.
Cynthia Nixon & Christine Marinoni
Cynthia Nixon, conoci como Miranda den Sex and the City, ta casa desde 2012 cu Christine Marinoni. E pareha tin un yiu cu yama, Max, cu nan ta cria hunto cu e dos yiunan di Cynthia.
Lance Bass & Michael Turchin
Lance Bass, un miembro di e popular grupo N’SYNC y Michael Turchin, un pintor talentoso, ta e prome matrimonio LGBT cu nan union a ser pasa riba cable TV na Merca.
Sarah Paulson & Holland Taylor
E relacion aki ta ricibi hopi critica door di e diferencia di edad, ya cu Sarah Paulson (45) ta mas jong cu Holland Taylor (77). Nan tin un relacion amoroso pa casi 6 aña.
Jodie Foster & Alexandra Hedison
E actriz Jodie Foster ta un di e celebridadnan cu semper a gusta pa mantene su bida priva, aunke ta conoci cu e ta casa cu Alexandra Hedison, cu tambe ta actriz, artista y directora.
Elton John and David Furnish
E cantante Elton John y cineaste David Furnish ta hunto desde 1993. E pareha a casa dia 21 di December 2014 ora cu a legalisa matrimonio entre persona di mesun sexo na Inglatera y Wales.
