Te na e momentonan aki ta desconoce e causa di e morto di Bobby Brown Jr., un di e shete yiunan di Bobby Brown, ex pareha de Whitney Houston. E cantante di R&B, Bobby Brown, ta di luto atrobe pa e fayecimento di un di su yiunan; Awo ta trata di Bobby Jr., ken su curpa sin bida a wordo haya den su cas na Los Angeles. E departamento di polis di e ciudad a confirma e noticia añadiendo cu e servicionan di emergencia a ricibi un yamada, alertando di un urgencia medico na un cas na Encino, California. Momento cu nan a yega e luga nan a haya un homber cu nan a declara morto. E motibonan di e causa di e morto aunke ainda no ta conoci, ya a descarta e posibilidad cu e tabata trata di un crimen.
Su ruman homber mayor, Landon Brown, a rindi’e un homenahe riba Instagram compartiendo un potret di Bobby Jr. hunto cu e mensahe: “I love you forever King”, mientras su mama, Kim Ward, a skirbi riba su rednan cu e shelonan a gana un angel, pero cu el a perde su soulmate. Bobby Brown Jr. di 28 aña, ta e mas jong di e dos yiunan cu Bobby Brown tin hunto cu Kim, cu ken el a mantene un relacion sentimental durante mas de un decada, y cu a yega na su fin ora el a compromete cu Whitney Houston.
Bobby Jr. y Bobbi Kristina, e unico yiu muhe cu e artista a haya cu e famoso cantante, a nace cu apenas un aña di diferencia y nan a sufri mesun destino tragico. E hoben a muri na 2015 cu 22 aña, despues di a pasa seis luna den coma, despues cu nan a haye inconscientemente flotando boca abou den e badkuip di su cas na Georgia. Su guy, Nick Gordon, kende Whitney y Bobby Brown a adopta ora e tabata un teener, a ser declara responsabel indirecto de su morto door di suministre cu narcotico. Nick a muri januari e aña pa un overdosis di heroina. Whitney Houston a muri hoga den su badkuip dia 11 di februari 2012, despues cu el a ingeri cocaina y Xanax.
