E awo potret iconico di Bernie Sanders, sinta cu su pianan cruz saca pa e fotografo di AFP Brendan Smialowski, a bira inmediatamente bira viral ora e hendenan a photoshop e potret, y pone riba e rednan social, poster di pelicula y incluso sientanan di subway. E handshoen di wol cu e senador Sanders a uza na e inauguracion presidencial a converti rapidamente den un meme viral, y a inspra varios guia di compra y tutorials con pa haak bo mesun ‘mittens’, cu ta un handschoen cu tin dos buraco, uno pa e cuater dedenan y uno pa e duim. E handschoen a yuda recauda $ 1.8 miyon durante cinco dia pa e organisacionnan benefico na e estado natal di Sanders, Vermont. E ta recauda for di e benta di e mercancia, incluyendo flanel y sweatshirts, cu un potret di e senator publica riba su website siman pasa.
Den un comunicado diaranson, Sanders a bisa cu e prome articulo a sold out den menos di 30 minuut. Nan a stock e articulonan bek den fin di siman pasa y pa ya dialuna nan a sold out, el a agrega. E handschoen ta traha pa Jen Ellis, un maestra na Vermont, cu sweater di lana re-uza y ‘fleece’ di e boternan di plastic recicla. El a regala un par na Sanders algun aña pasa tempo e tabata campañando. Tocante e cantidad recauda di e mercancia, Sanders a bisa: “Jane y ami a keda asombra pa tur e creatividad, cu e hendenan a demostra durante e ultimo siman, y nos ta contento di por uza mi fama riba internet pa yuda e habitantenan di Vermont cu mester di dje”.
Sin embargo, el a agrega cu e cantidad aki di placa no ta sustitui e accion di Congreso, y cu e lo haci tur loke cu e por na Washington pa sigura cu e trahadonan di Vermont, y henter e pais haya un alivio cu nan mester memey di e crisis, e pio ciris cu nan a enfrenta desde e Great Depression. E suma recauda ta destina na e organisacionnan manera Meals on Wheels y Feeding Chittenden, segun The New York Times. Parti di esaki tambe lo yuda e gruponan cu ta apoya e personanan di edad na Vermont.
