Zara Tindall, e nieta di Queen Elizabeth, a duna luz na su di tres yiu, Lucas Philip Tindall, riba vloer den e baño di su propio cas. Zara no a logra sali pa bay hospital, segun informacion di e tata di e baby, Mike Tindall. E reina y su casa, Duke di Edinburgh, a mustra encanta den un comunicado emiti pa Buckingham Palace, cu e yegada di nan di diez bisnieto, cu a nace diadomingo y ta ocupa e di 22 posicion den linea di sucesion di trono.
Aunke no tabata su boluntad inicialmente, pero Zara Tindall a recupera un tradicion di algun decada pasa, di e monarkia britanico pa duna luz na cas, sinembargo nan a bandona e tradicion aki den e ultimo 60 añanan. Prinses Margaret, ruman muhe di e monarca, a haya su yiu Sarah Armstrong-Jones na Kengsinton Palace na mei 1964, poco siman despues e propio reina Elizabeth a duna luz na Eduard na Buckingham Palace.
Duke di Edinburgh naci na 1921 como prins Philip di Grecia y Dinamarca, a yega mundo riba un mesa den cushina di e hogar familiar na Grecia. Reina Elizabeth II, a nace na residencia di su welonan materno na Bruton Street, Mayfair. E baby di Zara y Mike Tindall, su di dos nomber, Philip, ta mescos cu di su bisawelo Prins Philip y su welo di parti tata, Philip Tindall.
