Un dokter ta atende un pashent den Covid-19 ICU na University Hospital na Essen, Alemania (Fotografia: Ina Fassbender/AFP/Getty Images)
Varios pais Europeo ta extendiendo of reintroduciendo medidanan pa lockdown manera cu e di tres ola di e pandemia ta asota e continente impulsa pa e variantenan mas contagioso di coronavirus, manera e mutacion B117 detecta pa prome biaha na Reino Uni. E criticonan ta bisa cu e restriccionnan adicional a yega demasiado laat, y e politiconan ansioso pa cuminsa haci e medidanan mas flexibel pa e poblacionnan cansa di e pandemia, despues di un di dos serie di lockdown di aña pasa, cu a conduci na aumento di infeccionnan y e servicionnan di salud a extende te na ‘breaking point’.
E variante cu a haya pa prome biaha na Gran Britaña a plama significativamente den por lo menos 27 pais Europeo y awo ta dominante na Dinamarca, Italia, Irlanda, Alemania, Francia, Hulanda, Spaña y Portugal, segun World Health Organization. Cu ta ser transmiti te hasta un 50% mas cu e virus original, tambe por ta mas mortal. “E propagacion di e variantenan ta impulsando e aumento”, Hans Kluge, director di WHO Europe, a bisa siman pasa. “Pero e ta conta tambe pa e apertura di e sociedad ora e no ta pasa na un manera sigur y controla”.
Dr. Dominik Mertz ta e director medico di control di infeccion preventivo na Hamilton Health Sciences na Ontario, Canada
For di fin di februari, Dr. Dominik Mertz, un funcionario halto di salud di Hamilton Health Sciences (HSS) na Ontario, Canada, a pronostica cu un di tres ola di COVID-19 ta inevitabel, y cu Hamilton por bolbe cu su lockdown na fin di maart. “Ora nos a drenta di dos ola, nos a cuminsa for di e perspectiva cu un ocupacion hopi mas abou cu miho capacidad den e hospitalnan, ora nos pensa riba e di tres ola cu e cantidad actual di pashentnan cu COVID cu ta interna”. El a señala tambe cu mester tene na cuenta cu esaki por cambia rapidamente. Mester un brote grandi di B117 y diripente su proporcion ta aumenta di manera hopi significativo.
